----මතුපිට-----

දිගු අතැඟිලි තුඩින්
පිරිමැද බලනු මැන
සීරුවට මතුපිට
දැනෙනු නියතය ඔබට
සියලු දෙය පෙර ලෙසම
පවතින බවට

නොවෙහෙසෙමි අලවන්න
බිඳුණ විසිරුණ කැබලි ඇතුළත
ඇතිවන හිදැස් ඇත
පුරවනු පහසු වෙනු නැත...

සඟවා ගෙන සිටිමි
ඇනෙන උල් විෂ,
හද පතුලෙ සෙනෙහස හැඳිනු විට
පහව යනු ඇත වේදනා මතු දින
පෙන්නුවද පසුපස වැටී
නොදුටු නොව
දකින නෙත නොඇරී
මහරු ඒ සෙනෙහස...

රැක දෙමි
සොඳුරු වූ
මතුපිට
කිසිවක් පළුදු නොමැති..
පිරිද්දිය හැක
ඇවැසි විට
ඔබ සිතැඟි පරිදි......